upcycling product design
生果網聖誕燈飾
邊個話聖誕裝飾一定唔環保？ 藍屋鄰近灣仔街市，生果店眾多，每日都會有大量生果網被棄置。 我們每星期的藍屋街坊分類回收日經常都會收到生果網，然而生果網屬發泡膠類，本港未有完善回收渠道處理，但物料本身輕，亦透光，所以我地就四出收集街區超過3000個嘅生果網，串起做成我地聖誕燈飾! 聯同藍屋周邊嘅街坊一齊製作，織咗總長240 米嘅燈飾，橫跨三條街吊去對面街街坊嘅窗口! 我地最想帶出，其實回收都可以好靚好好玩!
聖誕節後所有生果網將送往迷失的寶藏: 發泡膠回收活動妥善回收。
特別鳴謝：聖雅各同事、藍屋鄰居，以及石水渠街鄰居簡太歐太Ginny一家借出窗口，同埋各區不是垃圾站幫手收網！